Gmejna Njebjelčicy
z wjesnymi dźělami Wěteńca, Miłoćicy, Njebjelčicy, Pěskecy, Serbske Pazlicy.

Foto: M. Domaschke
wobydlerjo (staw 31.12.2022) 271
wjesny dźěl gmejny Njebjelčicy 01.01.1974

Mała, 1 km wuchodnje Njebjelčic ležaca, přidróžna wjes słuša wot 1974 ke gmejnje Njebjelčicy. W lěće 1374 naspomni so prěni raz pod pomjenowanjom Pazeliczicum w stawizniskich knihach. 600 lět pozdźišo přirjadowachu so Njebjelčanskej gmejnje.

Serbske Pazlicy su sej swoju bursku swojoraznosć w dalokej měrje wobchowali. Tak swědča sylne štomy, wulke burske statoki a rjane domy wo typiskim serbskim krajnym wutwarje.

Zo běchu Serbske Pazlicy hižo před 3000 lětami wobsydlene, dopokazaja palne jamy Łužiskeje kultury. Hišće dźensa mjenuje so wyšina 196 m sewjerowuchodnje Serbskich Pazlic "Spalena hórka" (Brandhügel). Mjeno dowola wjacore wułožowanja: lěsny woheń, palne trjebjenje abo sucha, pěskojta póda, na kotrejž zlochce wuschnyta.

Aktiwne wjesne žiwjenje wuchadźa z młodźinskeho kluba "JCWB", wjesneho kluba "Debrička z.t." a ze Serbskopazličanskeho karnewaloweho towarstwa (WCV). Jako towaršnostne zetkanišćo je jenož hišće młodźinski klub při wjesnym haće.

2023 zapoda so na iniciatiwu "Debrička z.t." projektowa próstwa pola OHTL. Z tutymi spěchowanskimi pjenjezami, podpěru gmejny a pilnymi wobydlerjemi bu dźěćace hrajkanišćo při sportnišću wobnowjene. Nimo toho organizowa towarstwo w zhromadnym dźěle z Hóršigec drjewowej dźěłarnju (MassivHolzWerkstatt) natwarjenje wjacorych putniskich ławkow.

Žórła: Hans Neumann a Werner Schmidt, "Westliche Oberlausitz zwischen Kamenz und Königswartha", 1990; Heinz Kubasch, "Heimatbuch"


aktiwity we wjesce

dalše informacije namakaće tu [⇒]


póstnicy

Za pjaty počas je w Serbskich Pazlicach z lěta 1969 karnewalowe towarstwo zamołwite. Tučasny princowy porik a dalše informacije namakaće tu [⇒]

Sprache / Rěč / Language

Sprache auswählen


Städtebauliche Entwicklung

Aufruf zum Flächentausch privater Eigentümer mit der Gemeinde Nebelschütz zur Bauflächenentwicklung.
E-Mail: gemeinde@nebelschuetz.de


Baugebiet Nebelschütz

Vom potentiellen Erschließer gibt es aktuell wirtschaftliche Abwägungen zur Fortführung des Baugebietes Nebelschütz (Teilfläche 176/6). Interessenten können unter schuster@ibs-bonn.com ihren Bedarf anmelden.

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.